Menaxhmenti i UHZ-së priti sot në takim përfaqësuesit e shoqërisë civile, respektivisht organizatat jo-qeveritare që ushtrojnë veprimtarinë e tyre në komunën së Pejës. Ky takim u organizua nga OJQ “Let’s do it Peja” në koordinim me UHZ-në, në të cilin morën pjesë tetë organizata nga të gjitha OJQ-të e ftuara të Pejës.
Rektori prof.dr. Armand Krasniqi, prorektori prof.dr. Edmond Beqiri me bashkëpunëtorët e tyre i informuan pjesëmarrësit për objektivat strategjike të universitetit, për sfidat dhe rrethanat aktuale të UHZ-së. Në kuadër të strategjisë së zhvillimit dhe profilizimit të universitetit, një bashkëpunim i ngushtë dhe mbi të gjitha i sinqertë me shoqërinë civile konsiderohet të jetë i pa alternativë nga menaxhmenti i UHZ-së. Informatat mbi nevojat e shoqërisë civile të komunës sonë do t’i ndihmojnë shumë universitetit në përgatitjen e programeve të reja profesionale, e që do të mundësonin pastaj krijimin e kuadrove kompetente dhe në harmoni me kërkesat e tregut. Të gjithë pjesëmarrësit u pajtuan se një bashkëpunim i ngushtë në mes të shoqërisë civile dhe universitetit shkon në dobi të studentëve dhe do të jetë përherë në funksion të perspektivës së gjeneratave të reja.
![](https://unhz.eu/wp-content/uploads/2022/03/26ECEC72-103C-4DF2-BD85-E135A8157BC2-1024x683.jpeg)
![](https://unhz.eu/wp-content/uploads/2022/03/FC184DE4-4457-48F0-AA6A-ABCDBD52CBF7-1024x683.jpeg)
![](https://unhz.eu/wp-content/uploads/2022/03/AA88C922-2013-4CD0-A098-C1E6F8168B57-1024x683.jpeg)
![](https://unhz.eu/wp-content/uploads/2022/03/6AD8FE17-A26A-4579-A994-8E78654B9250-1024x683.jpeg)
![](https://unhz.eu/wp-content/uploads/2022/03/78406D8D-BF92-4EB8-BC76-5A0540F9601C-1024x683.jpeg)
![](https://unhz.eu/wp-content/uploads/2022/03/81F9F736-D91D-4FB4-8401-078B52FC0A47-1024x683.jpeg)
![](https://unhz.eu/wp-content/uploads/2022/03/DB70AFD4-7F04-46EC-90BD-026C12243C5A-1024x683.jpeg)
![](https://unhz.eu/wp-content/uploads/2022/03/7CBA334F-515C-4723-B0C1-1B454CC21400-1024x683.jpeg)