Në kuadër të vazhdimësisë së aktiviteteve të promovimit të Universitetit Haxhi Zeka në Pejë, ekipi përfaqësues u takua me maturantët e shkollave të mesme të Komunës së Gjakovës. Më saktësisht, oferta programore e UHZ-së u prezentua para maturantëve të tri shkollave. Këtu u përfshinë Shkolla e Mesme Teknike Nexhmendin Nixha, Shkolla e Mesme Ekonomike Kadri Kusari dhe Shkolla e Mesme e Mjekësisë Hysni Zajmi.
![](https://unhz.eu/wp-content/uploads/2023/04/maturant-3-scaled.jpg)
![](https://unhz.eu/wp-content/uploads/2023/04/stafi_universitetit-scaled.jpg)
Ekipi nga UHZ dha detaje të ofertës programore dhe i informoi maturantët për programet e studimit që ofrohen në UHZ. Maturantët patën rastin të dinin më shumë lidhur me secilin nga pesë fakultetet që operojnë brenda UHZ-së.
Në të trija shkollat, përfaqësuesit tanë u pritën nga drejtorët dhe stafi i tyre. Ne iu jemi mjaft mirënjohës këtyre shkollave për bashkëpunimin, organizimin dhe kohën që ata ndanë në mënyrë që ne të ishim fizikisht para maturantëve të tyre.
![](https://unhz.eu/wp-content/uploads/2023/04/gjakova-scaled.jpg)
![](https://unhz.eu/wp-content/uploads/2023/04/mjeksi_gjakove-scaled.jpg)
![](https://unhz.eu/wp-content/uploads/2023/04/uhz-2-scaled.jpg)
![](https://unhz.eu/wp-content/uploads/2023/04/stafi_uhz-scaled.jpg)
Maturantët, gjithashtu, u informuan më në detaje se si mund të bien në kontakt me universitetin tonë. Po ashtu, u bë e qartë se Universiteti Haxhi Zeka në Pejë i ka dyert e hapura për ta dhe i mirëpret ata duke u bërë udhërrëfyesi i tyre. Padyshim që periudha e studimeve është një pjesë e rëndësishme e jetës së secilit dhe është e rëndësishme që kjo kohë të shpenzohet në institucione kredibile, siç është UHZ.
Universiteti Hazhi Zeka në Pejë si model me studentin në qendër është zgjidhja më e mirë për maturantët.
![](https://unhz.eu/wp-content/uploads/2023/04/mjeksia-1024x683.jpg)
![](https://unhz.eu/wp-content/uploads/2023/04/shkolla_ekonomike-1024x683.jpg)
![](https://unhz.eu/wp-content/uploads/2023/04/stafi-6-1024x683.jpg)