Universiteti “Haxhi Zeka” ka dhuruar 25 kompjuterë për SHMU “8 Marsi” në Pejë. Ky akt bujar synon të mbështesë arsimin fillor dhe të përmirësojë cilësinë e mësimdhënies duke ofruar teknologji të avancuar për nxënësit. Kompjuterët e dhuruar pritet të lehtësojnë mësimin e lëndëve të ndryshme dhe të rrisin aftësitë teknologjike të nxënësve që nga mosha e hershme.
U.d. Sekretari i Përgjithshëm i Universitetit “Haxhi Zeka” znj. Tirana Baftiu Hasani me bashkëpuntor nga zyra e IT-së priti në takim Drejtoreshën e SHMU “8 Marsi” në Pejë znj. Leonora Shoshi dhe arsimtarin z. Defrim Turjaka. Gjatë këtij takimi, ata diskutuan rëndësinë e teknologjisë në arsimin fillor dhe mënyrat se si kompjuterët e dhuruar do të ndihmojnë në përmirësimin e procesit mësimor. Ky takim nënvizon përkushtimin e të dyja institucioneve për të bashkëpunuar në avancimin e arsimit dhe për të ofruar mundësi më të mira për nxënësit.
![](https://unhz.eu/wp-content/uploads/2024/07/DSC09374-1024x683.jpg)
![](https://unhz.eu/wp-content/uploads/2024/07/DSC09368-1024x683.jpg)
![](https://unhz.eu/wp-content/uploads/2024/07/Untitled-1-1024x768.jpg)