UHZ fillon bashkëpunimin me Universitetin e Bremenit
Me ftesë të Universitetit të Bremen-it, në Gjermani, Menaxhmenti i Universitetit “Haxhi Zeka” po qendron për vizitë zyrtare në këtë Universitet. Ata u priten nga udhëheqësit e këtij institucioni si dhe nga departamenti për marrëdhënie me jashtë, ku diskutuan për bashkëpunim dhe shkëmbim të stafit dhe studentëve. Gjatë ditës sot ata kanë diskutuar modalitetet e marrëveshjes, që në fokus të veçantë ka Fakultetin Juridik, ku parashihet të bëhet shkëmbimi i studentëve dhe stafin akademik në të tri nivelet e studimit. Gjithashtu gjatë takimit është diskutuar edhe mundësia e shkëmbimit të studentëve mes dy Universiteteve përmes projektit ErasmusPlus.