fbpx
Përfaqësues nga Universiteti “Goce Delçev” vizitojnë UHZ-në

Përfaqësues nga Universiteti “Goce Delçev” vizitojnë UHZ-në

Rektori i Universitetit “Haxhi Zeka”, prof. dr. Armand Krasniqi me bashkëpunëtorë nga menaxhmenti i lartë i UHZ-së pritën në takim zyrtar përfaqësues të Universitetit “Goce Delçev”, Maqedoni e Veriut.  

Në këtë takim është diskutuar mundësia për bashkëpunim lidhur me projektet të cilat i ndihmojnë rrugëtimit të UHZ-së në aspektin e sigurimit të cilësisë, si dhe për zhvillimin e standardeve të reja të cilat kanë për qëllim aplikimin e përbashkët në projekte ndërkombëtare.

Rektori Krasniqi,  potencoi  që Universiteti “Haxhi Zeka” synon përfshirjen në projekte evropiane të arsimit të lartë për zhvillimin akademik dhe shkencor, mobilitetin e mësimdhënësve dhe studentëve, si dhe këtë takim e cilësoi një mundësi të mirë për të ndarë opinionet mbi projektet Erasmus plus. Njëkohësisht, shprehu mirënjohjen duke shpresuar që ky bashkëpunim të zgjerohet më tepër në të ardhmen.

Please follow and like us:
ShqipBosanskiEnglish