U nënshkrua marrëveshje ndëruniversitare në mes Universitetit “Haxhi Zeka” dhe “Kadri Zeka” në Gjilan
Rektori i Universiteti “Haxhi Zeka” në Pejë, Porf. Dr. Fadil Millaku me bashkëpunëtorë priti sot Rektorin e Universitetit “Kadri Zeka” në Gjilan, Prof.asoc. Dr. Bajram Kosumi me bashkëpunëtorë.
Marrëveshja e nënshkruar sot, është e mbështetur në bazën e parimeve demokratike dhe në pajtim me autonominë dhe lirinë akademike të dy palëve.
Sipas marrëveshjes, universitetet mund të zhvillojnë aktivitete në fushat akademike me interes të përbashkët:
- Hartimin dhe implementimin e programeve të përbashkëta studimore, veçanërisht për programet Master dhe Doktoraturë;
- Shkëmbim të personelit akademik sipas nevojave të të dy universiteteve, ku stafi i rregullt akademik i të dy universiteteve do të angazhohet në bazë të kësaj marrëveshje duke mos i `u nënshtruar procedurave të konkursit publik;
- Shkëmbim studentësh të cikleve të ndryshme për periudha semestrale studimi ose për periudha të praktikave dhe anasjelltas;
- Aktivitete dhe publikime të përbashkëta në kërkime shkencore, pjesëmarrje në seminare, konferenca evenimente dhe takime të tjera akademike;
- Shkëmbim të materialeve akademike, si dhe informacione të tjera të nevojshme, programe të veçanta akademike afatshkurta etj.