Universiteti “Haxhi Zeka” së shpejti me bashkëpunime të reja ndërkombëtare në fushën e agrobiznesit
Sot, menaxhmenti priti në takim Prof. Nazim Gruda, profesor në Bon të Gjermanisë dhe njëherit përfaqësues i zyrës federale gjermane për agrokulturë dhe ushqim. Prof. Gruda shprehi gatishmërinë për bashkëpunim në të ardhmen edhe përmes projekteve ERASMUS Plus, në të cilat pritet që të aplikojë Universiteti “Haxhi Zeka” së bashku me universitetet tjera ndërkombëtare. Rektori Mrasori falënderoj profesorin për vizitën dhe ftoi Prof. Gruden për ligjëratë në fakultetin e agrobiznesit në Universitetin tonë. Profesor Gruda pritet që më se voni në semestrin e ardhshëm të sjell përvojat gjermane edhe në UHZ.