02.10.2014
Rektori së bashku me prorektorët priti sot në takim presidentin e asociacionit të Trentinos për Ballkanin, Mauricio Camini me bashkëpunëtorët e asociacionit nga Kosova, si dhe përfaqësuesin e Komunës së Pejës.
Në këtë takim u diskutua për organizmin e seminareve të përbashkëta, bashkëpunimi në mes të Universitetit “Haxhi Zeka” në Pejë dhe Universitetit të Trentinos në Itali, si dhe krijimi i programeve të studimit për master të përbashkët në mes të dy universiteteve. Po ashtu u diskutua edhe për vizitën e presidentit të regjionit të Trentions, në të dy institucionet, qeverinë lokale dhe universitetin tonë.