Universiteti “Haxhi Zeka” në Pejë mirëpret Shkollën Verore “Gjinia, ekonomia dhe politika”, një ngjarje e rëndësishme që do të mbahet nga 27 deri më 31 gusht. Shkolla Verore organizohet nga Agjencia për Barazi Gjinore e Kosovës dhe Instituti Kombëtar për Demokraci. Kjo shkollë verore do të përfshijë një sërë sesionësh edukative dhe diskutime të hapura, të fokusuara në ekonominë feministe dhe çështjet gjinore në kontekstin e Kosovës.
Ceremoninë e hapi zv. Drejtori I Instituti Kombëtar për Demokraci z. Valon Kurhasani. Ai theksoi rëndësinë e ekonomisë feministe në zhvillimin shoqëror. Znj Edi Gusia, u.d. Drejtore Ekzekutive e Agjencisë për Barazi Gjinore (ABGJ), solli perspektivën institucionale për këtë temë dhe mbështetjen që ABGJ ofron në përkrahje të nismave të tilla. Prof. Dr. Armand Krasniqit, Rektor I universitetit “Haxhi Zeka” fjalën e tij përshëndetëse e drejtoi ndaj rolit të rëndësishëm që kanë institucionet e arsimit të lartë në promovimin e barazisë gjinore përmes arsimit. Ai theksoi se universitetet nuk janë thjesht vende për të fituar njohuri, por edhe për të formuar vlera shoqërore dhe kulturore. Duke u zotuar për mbështetjen e vazhdueshme të Universitetit “Haxhi Zeka” për nisma që avancojnë barazinë gjinore, ai vuri në pah angazhimin e universitetit për të integruar perspektivën gjinore në kurrikulat akademike dhe në politikat e zhvillimit të institucionit.
Panelistet e ftuara në diskutim në ceremoninë e hapjes së shkollës verore ishin znj. Arbërie Nagavci, Ministre e MASHTI-t dhe znj. Jeta Statovci, deputete dhe Zëvendëskryetare e Parë e Komisionit për Ekonomi, Industri, Ndërmarrësi dhe Tregti, Kuvendi i Republikës së Kosovës. Dy panelistet ofruan perspektivat e tyre për barazinë gjinore dhe shpalosën përpara të pranishmëve politikat për përkrhaje të femrave.
![](https://unhz.eu/wp-content/uploads/2024/08/20240827_131945-1024x768.jpg)
![](https://unhz.eu/wp-content/uploads/2024/08/20240827_131901-1-1024x768.jpg)
![](https://unhz.eu/wp-content/uploads/2024/08/20240827_131833-1-1024x768.jpg)
![](https://unhz.eu/wp-content/uploads/2024/08/20240827_131818-1024x768.jpg)
![](https://unhz.eu/wp-content/uploads/2024/08/20240827_131752-1024x768.jpg)
![](https://unhz.eu/wp-content/uploads/2024/08/20240827_131618-1024x768.jpg)
![](https://unhz.eu/wp-content/uploads/2024/08/20240827_130651-1024x768.jpg)
![](https://unhz.eu/wp-content/uploads/2024/08/20240827_134633-1024x768.jpg)
![](https://unhz.eu/wp-content/uploads/2024/08/20240827_133011-1024x768.jpg)
![](https://unhz.eu/wp-content/uploads/2024/08/20240827_132824-1024x768.jpg)
![](https://unhz.eu/wp-content/uploads/2024/08/20240827_132107-1-1024x768.jpg)
![](https://unhz.eu/wp-content/uploads/2024/08/20240827_132030-1024x768.jpg)
![](https://unhz.eu/wp-content/uploads/2024/08/20240827_1336290-1024x768.jpg)