Ashtu siç ishte paralajmëruar përmes web-it të Universitetit “Haxhi Zeka” në Pejë, sot, në këtë Universitet po mbajnë ligjeratë dy Profesorë nga Universiteti i Ohio – SHBA, z. Bryan H. Ward – Dekan për Çështje Akademike, z. Brian Anderson – Asistent Drejtor i Programit Master për Qeverisje Demokratike dhe Sundim të Ligjit. I pranishëm është edhe z. Gazmend Musa, nga US Embassy.
Ligjerata e sotme ishte aranzhuar përmes kuadrit të këtij Universiteti, që aktualisht shërben në Bordin Drejtues të Universitetit “Haxhi Zeka” – Pejë, z. Haxhi Xhemajli, i cili me herët kishte përfunduar studimet Master në Ohio – SHBA. Tema e ligjeratës së sotme është: Shkaqet dhe pasojat e korrupsionit në Shtetet në tranzicion dhe ato në zhvillim!
Në këtë ligjeratë interesim të madh pati edhe nga studentë të cilët po zhvillojnë bisedë interaktive me Profesorët e pranishëm! Universiteti “Haxhi Zeka” në Pejë, edhe pse është themeluar para 6-të viteve, po dëshmon më udhëheqje serioze dhe vizionare, me veprimet që po i ndërmerr, sidomos dy vitet e fundit, në ndritje të cilësisë dhe disiplinës.
[Best_Wordpress_Gallery id=”43″ gal_title=”Ohio University”]