Zyra e Teknologjisë së Informacionit

I. Detyrat dhe Përgjegjësitë

Zyra e Teknologjisë së Informacionit UHZ është përgjegjëse për menaxhimin teknik, funksionimin dhe mirëmbajtjen e infrastrukturës së TI-së në Universitetin “Haxhi Zeka”. Zyra zhvillon procedura dhe masa sigurie për rrjetin, serverët dhe shërbimet digjitale në përputhje me politikat e qeverisjes elektronike.

Përgjegjësitë kryesore përfshijnë:

• Operacionet ditore të tavolinës ndihmëse, monitorimin dhe mirëmbajtjen e vazhdueshme të dhomës së serverëve dhe pajisjeve kritike të infrastrukturës.

• Mbledhjen dhe analizimin e fakteve relevante mbi nevojat dhe kërkesat e njësive organizative.

• Menaxhimin e Sistemit të Menaxhimit Universitar (SMU).

• Menaxhimin dhe mirëmbajtjen e webfaqes zyrtare të universitetit.

• Përgatitjen e dokumentacionit për prokurime dhe tenderë, si dhe menaxhimin e kontratave për pajisje TI, shërbime fotokopjimi, internet dhe rrjet VPN.

• Menaxhimin e paketave softuerike dhe rrjetit të brendshëm në objektet e universitetit.

• Mirëmbajtjen dhe përditësimin e bazës së të dhënave të kërkesave dhe parashtresave të brendshme.

Struktura dhe Organizimi

Zyra e TI-së udhëhiqet nga Drejtori i TI-së, i cili raporton tek Sekretari i Përgjithshëm.

Sipas sistematizimit të vendeve të punës, Zyra e TI-së përbëhet nga këto pozita:

1. Drejtori i Zyrës së TI-së

2. Administrator i Rrjetit të TI-së

3. Administrator i Rrjetit të Komunikimeve

4. Administrator i Qendrës së të Dhënave

5. Zyrtar i TI-së