Universiteti “Haxhi Zeka” njofton me krenari se katër studentë të UHZ-së do të jenë pjesëmarrës në një semestër mobiliteti në Universitetin e Teknologjisë në Łódź, Poloni, gjatë semestrit veror 2026. Ky program ndërkombëtar ofron një mundësi të jashtëzakonshme për zhvillim akademik, profesional dhe kulturor, duke i bërë studentët tanë pjesë të një mjedisi modern dhe të larmishëm evropian.
Ky sukses shënon një hap të rëndësishëm në promovimin ndërkombëtar të UHZ-së dhe përforcon përkushtimin e universitetit për krijimin e përvojave globale për studentët e tij, duke i përgatitur ata më mirë për tregun e punës.