Vizioni:
Qendra për paqe dhe të drejtat e njeriut në kuadër të Universitetit “Haxhi Zeka” është një institucion i bashkimit të personalit akademik, administrativ, studentëve, OJQ – ve dhe qytetarëve për realizimin e vizionit të poshtëshënuar. Aktivitetet e anëtarëve të qendrës synojnë ndërtimin e paqes , mbrojtjen dhe promovimin e të drejtave dhe lirive të njeriut duke i avancuar dhe promovuar metodat e përshatashme të zgjidhjes së konflikteve në nivel individual, grupor dhe politik. Qendra do të mbështet përfshirjen e vetëdijshme në anëtarësim në Bashkimit Evropian si një projekt me vlerë për paqen e stabilitetin dhe për marrjen e përgjegjësisë për fatin e përbashkët të njerëzimit në planetin Tokë.
Misioni: Një botë që manifeston kulturë për paqe dhe të drejta të njeriut.
(ndërtimi dhe fuqizimi i kapaciteteve njerëzore, projektimi dhe zbatimi i iniciativave të personalit akademik, administrativë studenteve, qytetarëve dhe shoqërisë civile për angazhim më të fuqishëm drejt ndryshimeve pozitive sociale në sferën e krijimit dhe forcimit kontributit akademik – universitar dhe sundimit të ligjit).
Vlerat
-
Punojmë për avancimin e dinjitetit, lirisë, drejtësisë dhe sigurisë përmes marrëdhënieve të bashkëpunimit dhe edukim trnasformativ për paqe dhe për të drejta të njeriut.
-
Vlerat tona në të cilat jemi thellësisht të mishëruar bazohen në bindjet për mbrojtjen e të drejtave dhe lirive të njeriut, respektin për diversitetin, humanizmin, tolerancën, pluralizmin, përgjegjësia personale, pacifizmi, barazia dhe drejtësia social, ndërgjegjësimi, kërkesa për zgjidhje inovative, anagazhimi i komunitetit, bashkëpunimi dhe dialogu dhe barazia gjinore dhe jo dhunën.