Në datën 09.06.2025, u krijua një atmosferë festive dhe energjike në Universitetin Haxhi Zeka, ku u zhvillua mbledhja konsitutive e Parlamentit të Studentëve të këtij institucioni. Ky eveniment u karakterizua nga një frymë entuziaste dhe një angazhim të lartë për të mbështetur përfaqësimin studentor në nivele të larta.
Në hapje të ngjarjes, Kryetari i Komisionit Qendror të Zgjedhjeve të Universitetit Haxhi Zeka, Prof. Ass. Dr. Mensur Morina, theksoi rëndësinë e krijimit të një institucioni të tillë, i cili jo vetëm që do të pasqyronte kërkesat dhe nevojat e studentëve, por do të përfaqësonte gjithashtu një urë lidhëse mes administratës dhe studentëve për të mundësuar një zhvillim të qëndrueshëm dhe dinamik të universitetit.
Prof. Morina, në fjalën e tij, u shpreh i kënaqur me organizimin dhe strukturimin e Parlamentit të Studentëve, duke e cilësuar këtë si një arritje të madhe për Universitetin Haxhi Zeka. Ai gjithashtu i uroi suksese Kryetarit të Parlamentit Studentor, Leart Husaj, dhe Sekretares së Parlamentit Studentor, znj. Jeta Feri, për angazhimin e tyre dhe detyrën e rëndësishme që i ka ngarkuar ky institucion.
Ndërkohë, U.d. e Sekretares së Përgjithshme të Universitetit Haxhi Zeka, znj. Tirana Baftiu Hasani, gjithashtu ishte pjesë e këtij takimi dhe u shpreh se krijimi i Parlamentit të Studentëve është një hap i rëndësishëm për avancimin e ideve dhe zhvillimin e bashkëpunimit mes studentëve dhe administratës universitare. Ajo theksoi se është e domosdoshme që ky parlament të ketë një ndikim të drejtpërdrejtë në politikat dhe vendimmarrjen universitare, duke përmirësuar kështu përvojën e studentëve në universitet.
Po ashtu, gjatë ngjarjes, z. Fatmir Cacaj, përfaqësues i Komisionit Qendror të Zgjedhjeve të Republikës së Kosovës, përshëndeti iniciativën e Universitetit Haxhi Zeka për ngritjen e një institucioni të tillë dhe theksoi rëndësinë e zgjedhjeve të lira dhe të ndershme si një element kyç për një demokraci të shëndoshë, qoftë në nivelin akademik, ashtu edhe në atë kombëtar. Ai shprehu mbështetje të plotë për zhvillimin e këtij institucioni dhe siguroi se do të vazhdojë të mbështesë të gjitha përpjekjet që kanë për qëllim përmirësimin e sistemit edukativ dhe universitare në Kosovë.
Pika kulminante e ngjarjes mbeti fjalimi i Prof. Ass. Dr. Mensur Morina, Kryetar i KQZ/UHZ, i cili theksoi se ky ishte një hap i rëndësishëm për integrimin e studentëve në proceset vendimmarrëse dhe krijimin e një ekosistemi që favorizon zhvillimin e studentëve si liderë të së ardhmes. Ai përmendi gjithashtu angazhimin e KQZ/UHZ për të siguruar që zgjedhjet studentore të jenë transparente, të drejta dhe të zhvillohen në kushte të barabarta për të gjithë kandidatët.
Ky ngjarje konsitutive i dha një shenjë të qartë të gatishmërisë së Universitetit Haxhi Zeka për të përmbushur misionin e tij për të avancuar përfaqësimin dhe të drejtat e studentëve, duke u mbështetur gjithashtu në bashkëpunimin me institucione të tjera të rëndësishme, siç është KQZ-ja e Republikës së Kosovës.
