Përfaqësues të Universitetit “Haxhi Zeka” në Pejë po marrin pjesë në Forumin e 10-të të Rektorëve të Evropës Juglindore dhe Ballkanit Perëndimor, si dhe në Konferencën Ndërkombëtare të Rrjetëzimit Ulysseus, të cilat po mbahen më 7 dhe 8 prill 2025 në Universitetin e Malit të Zi, në Podgoricë.
Universitetin po e përfaqësojnë:
👨🏫 Rektori, Prof. Dr. Armand Krasniqi
👩🏫 Prorektorja për mësim, çështje studentore dhe kërkime shkencore, znj. Alma Shehu Lokaj
🌍 Drejtoresha e Zyrës për Bashkëpunim Ndërkombëtar, znj. Arberora Haxhija
📌 Forumi i Rektorëve mbledh drejtues të universiteteve, përfaqësues të agjencive të sigurimit të cilësisë dhe ekspertë ndërkombëtarë për të diskutuar tema si:
- Roli i universiteteve në zgjerimin e BE-së
- Siguria e cilësisë në arsimin e lartë
- Zhvillimi i diplomës evropiane
- Aleancat universitare dhe sfidat e tyre
📌 Konferenca Ndërkombëtare Ulysseus është një platformë për shkëmbimin e përvojave dhe ndërtimin e partneriteteve të qëndrueshme ndërmjet universiteteve nga BE-ja dhe Ballkani Perëndimor. Ajo thekson:
- Modernizimin e arsimit
- Forcimin e kapaciteteve qeverisëse të universiteteve
- Rritjen e bashkëpunimeve akademike
✅ Pjesëmarrja e UHZ në këtë forum të nivelit të lartë konfirmon përkushtimin e universitetit për integrim evropian në fushën e arsimit të lartë dhe përforcimin e bashkëpunimeve ndërkombëtare.