UHZ shpall Konkursin për Pranim të Studentëve të Rinj — 29 Qershor 2026
Universiteti "Haxhi Zeka" është përgatitur plotësisht dhe do të shpallë konkursin për pranimin e studentëve të rinj për vitin akademik 2026/2027, me 20 programe studimi në nivel bachelor dhe master.
Universiteti "Haxhi Zeka" (UHZ) njofton të gjithë maturantët dhe kandidatët e interesuar se, me datën 29 qershor 2026, do të shpallë zyrtarisht konkursin për pranim të studentëve të rinj për vitin akademik 2026/2027. Ky afat është përcaktuar në përputhje me pritjet për përfundimin e testit të maturës shtetërore.
Institucioni ka kryer të gjitha përgatitjet e nevojshme për të pritur brezin e ri të studentëve, duke siguruar kushte optimale akademike, infrastrukturore dhe administrative. Konkursit do t'i nënshtrohen gjithsej njëzet (20) programe studimi — tetë (8) në nivel bachelor dhe dymbëdhjetë (12) në nivel master — të shpërndara nëpër pesë fakultete të institucionit.
Të dhënat kryesore
- Data e shpalljes së konkursit: 29 Qershor 2026
- Numri i programeve: 20 programe Bachelor & Master
- Fakultete: 5 njësi akademike
- Konkursit nuk i përfshin programin e doktoratës (PhD)
- Afati i shpalljes lidhet me përfundimin e testit të maturës shtetërore
Ofertat akademike të UHZ-së mbulojnë fusha të rëndësishme të biznesit, turizmit dhe hotelerisë, drejtësisë, agrobiznesit dhe arteve — duke ofruar mundësi të gjera studimi dhe karriere profesionale për çdo student që dëshiron të ndërtojë të ardhmen e tij në Kosovë dhe rajon.
Fakulteti i Biznesit
Fakulteti i Menaxhimit në Turizëm, Hotelieri dhe Mjedis
Fakulteti Juridik
Fakulteti i Agrobiznesit
Fakulteti i Arteve
Universiteti "Haxhi Zeka" është i përkushtuar ndaj cilësisë akademike dhe përgatitjes profesionale të studentëve të tij. Me 20 programe të akredituara dhe pesë fakultete aktive, UHZ ofron një mjedis studimi dinamik dhe cilësor për çdo maturant që dëshiron të ndërtojë karrierën e tij mbi themele solide shkencore dhe profesionale.
Të gjithë maturantët dhe kandidatët e interesuar ftohen të ndjekin me vëmendje kanalet zyrtare të komunikimit të UHZ-së për njoftimin e plotë të konkursit pas datës 29 qershor 2026, ku do të publikohen kushtet e pranimit, kapacitetet pritëse për secilën program dhe procedurat e aplikimit.