Rektori i Universitetit “Haxhi Zeka”, Prof. Dr. Armand Krasniqi, priti sot në takim
përfaqësuesit e Institutit Kombëtar Demokratik (NDI), z. Pajtim Gashi Drejtor i Programit
, znj. Agnesa Fejzullahu Menaxhere e Programit dhe z. Egzon Ramadani Zyrtar i
Programit me të cilët diskutoi mundësinë e vazhdimit të bashkëpunimit në organizimin e
Shkollës Verore për Gjininë, Ekonominë dhe Politikën (Gender, Economics and Politics
– GEP).
Gjatë takimit u vlerësua bashkëpunimi i suksesshëm ndërmjet Universitetit “Haxhi Zeka”
dhe NDI në organizimin e edicioneve të mëparshme të kësaj shkolle verore e cila ka
ofruar platformë të rëndësishme për zhvillimin akademik dhe profesional të studentëve
dhe të rinjve të Kosovës.
Palët diskutuan mundësitë për organizimin e edicionit të ardhshëm të Shkollës Verore
GEP nga data 31 gusht – 4 shtator, 2026 duke theksuar rëndësinë e trajtimit të temave
që lidhen me barazinë gjinore, zhvillimin ekonomik, politikat publike, lidershipin dhe
pjesëmarrjen aktive të të rinjve në proceset demokratike.
Rektori Krasniqi shprehu gatishmërinë e Universitetit “Haxhi Zeka” për të vazhduar
partneritetin me NDI, duke theksuar se bashkëpunime të tilla kontribuojnë në
ndërkombëtarizimin e universitetit, fuqizimin e kompetencave të studentëve dhe
kontributin e UHZ për shoqërinë.
Në përfundim të takimit, të dyja palët u dakorduan të vazhdojnë koordinimin për hapat e
mëtejmë drejt organizimit të edicionit të ri të Shkollës Verore GEP, me synimin për të
ofruar edhe këtë vit një program cilësor dhe me ndikim për studentët dhe të rinjtë.
Kapërce te përmbajtja Kapërce te shiriti anësor Kapërce te fundi i faqes 
