Koordinatorja për Bashkëpunim Ndërkombëtar, Alma Shehu Lokaj dhe Koordinatorja për Kërkime Shkencore, Suada Ajdarpasic janë duke marrë pjesë në trajnimin “Programi ERASMUS+ 2021-2027: Si të shkruajmë projekte të suksesshme” të organizuar nga Europass Teacher Academy në Berlin/Gjermani.
Prezantimi i projekteve europiane, në veçanti programi i ri Erasmus+ (2021-2027) – përfaqëson një mundësi e mirë për universitetet nga vendet anëtare të BE-së dhe vendet e treta për t’u përmirësuar. Ato gjenerojnë zhvillim organizativ dhe personal ndërsa krijojnë mundësi për të ndarë praktikat më të mira, për të krijuar metoda të reja, për të rritur rrjetin e bashkepunimit dhe për të transformuar dobësitë e institucioneve në pika të forta dhe në mundësi.
Krahas pjesëmarrësve nga Universiteti Haxhi Zeka, në këtë trajnim marrin pjesë edhe përfaqësues nga Franca, Italia dhe Republika Çeke.
![](https://unhz.eu/wp-content/uploads/2022/03/D55990EC-75B1-451F-AA86-A7AA8A5F6D9D.jpeg)
![](https://unhz.eu/wp-content/uploads/2022/03/747843CA-8B76-4DA5-AFCA-03F07E568C63.jpeg)
![](https://unhz.eu/wp-content/uploads/2022/03/FE8A1439-BD6F-40C7-B8E0-ADDEF1C755F3.jpeg)