Me një performancë magjepsëse, sopranoja e njohur Adelina Paloja dhe pianistja e talentuar Alba Muçolli-Dehiri, profesoreshat të Fakultetit të Arteve – Universitetit “Haxhi Zeka”, shkëlqyen në koncertin-recital klasik në skenën e Teatrit Seminar në Horën e Arbëreshëve, Sicili/Itali.
Një homazh për komunitetin arbëresh
Koncerti i dedikohej komunitetit të mrekullueshëm arbëresh, të cilët për më shumë se pesë shekuj kanë ruajtur me krenari gjuhën, kulturën dhe shpirtin shqiptar në diasporë. Përmes artit të tyre, dy artistet shqiptare përcollën një mesazh të fuqishëm: një lidhje e pathyeshme mes brezave, ku tradita takohet me të tashmen dhe të ardhmen në një harmoni të jashtëzakonshme muzikore.
Universiteti “Haxhi Zeka” është jashtëzakonisht krenar për suksesin dhe përkushtimin e profesoreshave tona, të cilat jo vetëm që përfaqësojnë vlerat më të larta të artit shqiptar në skenën ndërkombëtare, por edhe lartësojnë emrin e Universitetit “Haxhi Zeka”, duke dëshmuar përkushtimin ndaj edukimit dhe kulturës.
🎭🎹🎤 Një natë magjike e mbushur me muzikë, histori dhe emocione të paharrueshme, një lidhje shpirtërore mes artistëve dhe komunitetit arbëresh, një mesazh i fuqishëm i vazhdimësisë dhe pasurisë kulturore shqiptare!
#HaxhiZekaUniversity #TrashëgimiaArbëreshe #MuzikëKlasike #KrenariaJonë
