Universiteti “Haxhi Zeka” në Pejë do të nderojë R.E.S. Mons. Vincenzo Paglia me titullin akademik “Doctor Honoris Causa” në shenjë vlerësimi për kontributin e tij të jashtëzakonshëm në promovimin e arsimit, të drejtave të njeriut dhe dialogut ndërfetar.
Emërimi i tij “Doctor Honoris Causa” nga Universiteti “Haxhi Zeka” është një shprehje e thellë mirënjohjeje për përpjekjet e tij të pandërprera për përmirësimin e arsimit, mbrojtjen e të drejtave të njeriut dhe promovimin e lirisë në rajon e më gjerë. Ky nderim njeh angazhimin e tij të palodhshëm në krijimin e mundësive për zhvillimin e një shoqërie më të drejtë dhe të ndërgjegjshme, ku çdo individ ka mundësinë të shprehë potencialin e tij pa diskriminim. Ai ka qenë dhe është mbështetës i vazhdueshëm i paqes, duke kontribuar në zhvillimin e kulturës së tolerancës dhe respektit për diversitetin.
Ceremonia solemne do të mbahet më 2 prill, 2025 në Hotel Dukagjini, ora 12;00 Pejë, me pjesëmarrjen e personaliteteve të njohura akademike, përfaqësuesve institucionalë dhe figurave të rëndësishme nga fusha e arsimit dhe diplomacisë. Rektori i këtij institucioni prof.dr. Armand Krasniqi thekson se: “Dorëzimi i titullit përfaqëson një moment historik që bashkon traditat akademike me përpjekjet për paqe dhe përmirësim social në një nga rajonet më të ndjeshme të Ballkanit, duke dëshmuar angazhimin e universitetit “Haxhi Zeka” për vlera humane”