Të dashur studentë, 
Me kënaqësi ju njoftojmë se realizimi i projektit i iniciuar nga Fakulteti i Ekonomisë (UP) dhe Fakulteti i Biznesit (UHZ) “DataSphere: A Comprehensive Database of Economic, Structural, and Social Indicators in Kosovo”, ka marrë mbështetje nga #KUSA 
dhe #AmbasadaAmerikane.
Staf kyç në projekt:
Prof. Ass. Dr. Albulena Shala
Prof. Asoc. Dr. Vlora Berisha Dranqolli
Pse është i rëndësishëm ky projekt?
Baza e të dhënave do të përfshijë tregues të ndryshëm ekonomik, strukturor dhe social për Kosovën. 
Do të jetë me akses të hapur për të gjithë studentët (BA, MA, PhD), profesorët, hulumtuesit, politikë bërësit dhe bizneset në Kosovë. 
Duke centralizuar tregues të ndryshëm, data baza rrit ndjeshëm aftësinë e studentëve për të aksesuar të dhëna të besueshme dhe cilësinë për tezë dhe punime të diplomës. 
Mësimdhënësve do t’u mundësohet të zhvillojnë ushtrime praktike me studentët, projekte dhe kërkime shkencore. 
Do të shërbejë si burim i rëndësishëm për industrinë, duke ofruar informacion mbi trendet dhe zhvillimet kryesore në Kosovë. 
Ne dëshirojmë të shprehim mirënjohjen tonë të përzemërt për #KUSA dhe #AmbasadënAmerikane, si dhe për mbështetjen e rektorëve të Universiteteve tona, Prof. Dr. Arben Hajrullahu (Universiteti i Prishtinës) dhe Prof. Dr. Armand Krasniqi (Universiteti Haxhi Zeka- Pejë), së bashku me të gjithë drejtuesit e institucioneve që na kanë mbështetur në këtë iniciativë të rëndësishme:
Agjencia e Statistikave të Kosovës (ASK)
Oda Ekonomike e Kosovës
Zyra e Statistikave e BQK
Instituti “UPCO Cluster”
