Fakulteti i Menaxhmentit në Turizëm, Hoteleri dhe Mjedis, me datë 28.09.2020 ka organizuar konferencë online ‘’COVID-19: Sfidat dhe përspektiva për të ardhmën në Industrinë e Turizmit” për të shënuar Ditën Botërore të Turizmit dhe përvjetorin e miratimit të Statutit të Turizmit Botëror. Konferenca kishte për qëllim që të diskutojë çështjet që kanë të bëjnë më turizmin në përgjithësi, veçanërisht kushtet e krijuara nga pandemia COVID-19.
Pjesëmarrës në këtë konferencë ishin Prorektori për Buxhet, Financa dhe Infrastrukturë, Prof.Dr. Afrim Selimaj, Dekani i Fakultetit të MTHM-së, Prof.Asoc.Dr. Adem Dreshaj, Dekani i Fakultetit të Agrobiznesit Prof. Asoc. Dr. Nexhdet Shala, Dekani i Fakultetit Juridik Prof. Asoc. Dr. Baki Koleci, Prof. Mirela Tase, z. Baki Hoti nga shoqata turistike, përfaqësues nga Sektori i Turizmit në Komunën e Pejës dhe studentë.
Si përfundim, u dakordua që në të ardhmen të ketë bashkëpunim më të madh mes sektorit publik dhe atij privat, për të mundësuar punë praktike studentëve në bizneset që promovojnë turizmin vendor.