Të nderuar studentë,
Senati i UHZ-së, me vendimin e datës 01.04.2025, ka miratuar zgjatjen e afatit për përfundimin e studimeve për studentët e nivelit bachelor dhe master që kanë tejkaluar kohëzgjatjen e rregullt të studimeve.
📝 Ja çfarë duhet të dini:
1️⃣ Studentët që i kanë përfunduar të gjitha provimet, por nuk e kanë përfunduar ende temën apo diplomimin, mund ta bëjnë këtë deri më 30 shtator 2026. Duhet vetëm të regjistroheni në semestër për vitin akademik në vijim.
2️⃣ Studentët që NUK i kanë përfunduar të gjitha provimet, por kanë kaluar afatin e rregullt të studimeve, mund të vazhdojnë vetëm nëse programi është ende aktiv dhe fakulteti përkatës e ofron atë. Në këto raste, regjistrimi bëhet përmes konkursit publik.
3️⃣ Nëse një program studimi nuk është më aktiv dhe studenti nuk ka qenë i regjistruar për një kohë të gjatë, nuk ka mundësi vazhdimi të studimeve në atë drejtim.
📆 Ky vendim është i vlefshëm vetëm për vitin akademik 2025/26.
ℹ️ Për më shumë informacione ose sqarime, ju lutemi kontaktoni njësitë akademike ose ndiqni njoftimet në faqen zyrtare të universitetit.
