Sot me 1 shtator 2026, një delegacion i "Haxhi Zeka" University in Peja, i kryesuar nga Prof. Dr. Armand Krasniqi, Rektor, zhvilloi një vizitë pune në Institutin e Kosovës për Drejtësi – IKD në Prishtinë, duke shënuar një hap të rëndësishëm drejt ndërtimit të një bashkëpunimi më të strukturuar ndërmjet dy institucioneve.
Në delegacionin e UHZ-së morën pjesë Dr.sc. Prof.assoc. Alma Shehu-Lokaj, Prorektore, Dr.sc. Prof.assoc. Petrit Nimani, Dekan i Fakultetit Juridik, and Dr.sc. Prof.assoc. Anita Cucović, nga Qendra për Paqe dhe të Drejtat e Njeriut e UHZ-së.
Delegacioni u prit nga z. Ehat Miftaraj, Drejtor Ekzekutiv i Institutit të Kosovës për Drejtësi, së bashku me znj. Arrita Rezniqi AND z. Betim Musliu. Takimi u zhvillua në një atmosferë të hapur, profesionale dhe jashtëzakonisht konstruktive, me fokus në identifikimin e fushave në të cilat kapacitetet akademike dhe kërkimore të Universitetit mund të ndërthuren me përvojën profesionale, hulumtuese dhe monitoruese të IKD-së.
Në qendër të diskutimeve ishte mundësia e zhvillimit të bashkëpunimit institucional ndërmjet UHZ-së dhe IKD-së, me theks të veçantë në përfshirjen e Faculty of Law AND Qendrës për Paqe dhe të Drejtat e Njeriut. Palët diskutuan modalitete konkrete bashkëpunimi në fushën e sundimit të ligjit, drejtësisë, të drejtave të njeriut, kërkimit juridik, analizës së legjislacionit dhe politikave publike, zhvillimit profesional dhe krijimit të mundësive të reja për studentët.
Një rëndësi e veçantë iu kushtua pikërisht ndërlidhjes së studimeve universitare me praktikën profesionale dhe kërkimin e aplikuar. Në këtë drejtim, u diskutua për mundësinë e përfshirjes së studentëve në praktikë profesionale, kërkim juridik, analiza të legjislacionit dhe praktikës institucionale, përgatitje raportesh, monitorim të seancave publike dhe aktivitete të tjera që zhvillojnë aftësitë e tyre kërkimore, analitike dhe profesionale.
Hapësirë e rëndësishme bashkëpunimi u identifikua edhe ndërmjet IKD-së dhe Qendrës për Paqe dhe të Drejtat e Njeriut të UHZ-së, veçanërisht në çështjet që lidhen me qasjen në drejtësi, gjykimin e drejtë, të drejtat dhe liritë themelore, standardet kushtetuese dhe ndërkombëtare për mbrojtjen e të drejtave të njeriut, praktikën e Gjykatës Evropiane për të Drejtat e Njeriut, si dhe edukimin juridik dhe ndërgjegjësimin publik.
Moment i veçantë i vizitës ishte nënshkrimi i Memorandumit të Mirëkuptimit dhe Bashkëpunimit ndërmjet Universitetit “Haxhi Zeka” dhe Institutit të Kosovës për Drejtësi – IKD, përmes të cilit palët vendosën një kornizë të qartë institucionale për zhvillimin e bashkëpunimit në të ardhmen.
Marrëveshja nuk kufizohet në një deklarim formal të vullnetit për bashkëpunim. Ajo krijon bazë për hulumtime dhe analiza të përbashkëta, praktikë profesionale dhe mentorim të studentëve, shkëmbim të ekspertizës, të dhënave dhe publikimeve, ligjërata, seminare e trajnime, konferenca dhe debate profesionale, si dhe zhvillimin dhe zbatimin e projekteve të përbashkëta.
Palët u dakorduan që komunikimi dhe takimet të vazhdojnë edhe në të ardhmen, me synimin që dispozitat e Memorandumit të shndërrohen në aktivitete dhe rezultate konkrete.
Për Universitetin “Haxhi Zeka”, ky bashkëpunim paraqet një mundësi të rëndësishme për të afruar edhe më shumë mësimdhënien, kërkimin shkencor dhe përvojën praktike, duke u krijuar studentëve mundësi që njohuritë akademike t’i ballafaqojnë me funksionimin real të sistemit të drejtësisë, ndërsa personelit akademik dhe hulumtues t’i hapë hapësirë për bashkëpunim në hulumtime me ndikim shoqëror dhe institucional.
Vizita dhe marrëveshja UHZ–IKD shënojnë kështu fillimin e një faze të re bashkëpunimi, të orientuar jo vetëm drejt shkëmbimit institucional, por drejt krijimit të rezultateve konkrete për studentët, komunitetin akademik, sistemin e drejtësisë dhe avancimin e sundimit të ligjit në Kosovë.
