Raporti integritet akademik ORCA Universiteti Haxhi Zeka për vitin 2025 paraqet një analizë të detajuar të gjendjes së publikimeve shkencore dhe respektimit të normave të integritetit akademik në universitetin tonë. Ky dokument është rezultat i bashkëpunimit me organizatën ORCA dhe përfshin të dhëna nga burime si Scopus dhe Web of Science.
Organizata për Rritjen e Cilësisë në Arsim (ORCA) ka publikuar raportin final që vlerëson integritetin akademik dhe publikimin shkencor në Universitetin e Haxhi Zeka. Ky raport pason prezantimin e rezultateve preliminare dhe tashmë është i qasshëm për të gjithë të interesuarit.
📊 Çfarë përmban raporti?
Raporti përfshin të dhëna të detajuara mbi:
- Numrin e punimeve të publikuara në Scopus dhe Web of Science;
- Kuartalet e publikimeve dhe ndikimin e tyre shkencor;
- Vlefshmërinë e punimeve për avancim akademik;
- Përqindjen e profesorëve që justifikojnë titujt akademikë që mbajnë.
Për një pasqyrë më të qartë, disa nga të dhënat janë paraqitur përmes infografikave të bashkangjitura.
📥 Si mund ta lexoni raportin?
Raporti i plotë është i qasshëm për publikun në linkun e mëposhtëm:
Ky raport është pjesë e projektit HEI’25, i cili financohet nga Agjencia Austriake për Zhvillim (ADA) 🇦🇹, me mbështetjen e Ministrisë së Arsimit, Shkencës, Teknologjisë dhe Inovacionit dhe të Agjencisë së Kosovës për Akreditim. Projekti zbatohet nga Qendra për Arsim e Kosovës (KEC) në bashkëpunim me ORCA.
Universiteti Haxhi Zeka mbetet i përkushtuar të punojë drejt ngritjes së cilësisë akademike, transparencës dhe integritetit brenda komunitetit universitar.