"Haxhi Zeka" University vazhdon të dëshmojë se roli i tij shtrihet larg mureve të auditorëve. Sot, rektori prof. dr. Armand Krasniqi qëndroi për vizitë në Komunën e Istogut, ku u prit nga z. Enver Rugova, kryesues i Kuvendit Komunal, dhe z. Genc Ademaj, nënkryetar i Komunës.
Gjatë takimit, rektori Krasniqi njoftoi përfaqësuesit komunalë për punën e "Haxhi Zeka" University në përmbushjen e tri misioneve të tij, duke bërë njëkohësisht një analizë retrospektive të angazhimit dhe rolit që Komuna e Istogut ka luajtur deri më sot në fuqizimin e Forumit Ekonomik Rajonal të Dukagjinit (FERD).
Në mënyrë të veçantë, rektori falënderoi z. Enver Rugova, i cili prej disa vitesh dallohet për angazhim të vazhdueshëm dhe kontribut të gjithanshëm në këtë proces.
Në fokus të takimit ishte projekti i ri me të cilin UHZ, përmes FERD-it, ka nisur hartimin e raporteve të fizibilitetit për të gjitha komunat partnere të Forumit. Rector kërkoi mbështetjen e Komunës së Istogut për realizimin e kësaj nisme, e cila synon të ofrojë bazë shkencore dhe të dhëna konkrete për vendimmarrjen zhvillimore të komunave.
Nisma gjeti një përkrahje të jashtëzakonshme nga përfaqësuesit komunalë, të cilët u zotuan për bashkëpunim dhe mbështetje të plotë.
Ky është vetëm një ndër aktivitetet në dobi të komunave, ndërkaq ky mision do të vazhdojë edhe me projekte të tjera të përbashkëta — sepse aty ku universiteti dhe komuna ecin krah për krah, fiton i gjithë rajoni.