Studentët e doktoratës nga Universiteti Shtetëror i Maqedonisë së Veriut prezentuan ligjëratat e tyre në fakultetin Juridik të UHZ-së.Në Fakultetin Juridik të Universitetit ” Haxhi Zeka” në Pejë, nga data 7 prill 2025, kanë filluar të mbahen ligjërata të veçanta nga studentët e doktoratës të Universitetit Shtetëror të Republikes së Maqedonisë së Veriut. Ky aktivitet zhvillohet në kuadër të bashkëpunimit akademik ndëruniversitar dhe synon të nxisë shkëmbimin e njohurive, përvojave dhe rezultateve të hulumtimeve shkencore.
Gjatë këtyre ligjëratave, studentët e doktoratës po prezentojnë temat dhe punimet e tyre kërkimore para studentëve dhe stafit akademik të Fakultetit Juridik, duke krijuar një ambient të frytshëm diskutimi dhe bashkëpunimi shkencor.
Në ditën e parë të këtij aktiviteti, pjesëmarrësit u pritën nga menaxhmenti i Fakukulteti Juridik të UHZ-së. Me këtë rast dekani i Fakultetit Prof.Dr. Avdullah Robaj, i përshëndeti të pranishmit, duke u uruar mirëseardhje dhe duke theksuar rëndësinë e këtyre vizitave dhe ligjëratave për pasurimin e përvojës akademike të studentëve të dy universiteteve.Ai gjithashtu vlerësoi iniciativën si një shembull të mirë të bashkëpunimit rajonal në fushën e arsimit të lartë dhe hulumtimit shkencor. Ky aktivitet do të vazhdojë edhe në ditët në vijim dhe pritet të sjellë përfitime të shumta për studentët dhe për vetë institucionet pjesëmarrëse.
