Universiteti “Haxhi Zeka” po dëshmon në mënyrë të vazhdueshme se kërkimi shkencor, bashkëpunimi ndërinstitucional dhe angazhimi profesional i stafit akademik mund të shndërrohen në rezultate konkrete me ndikim të drejtpërdrejtë në shoqëri, ekonomi dhe politika publike. Dy projekte të realizuara me sukses gjatë kësaj periudhe përfaqësojnë shembuj domethënës të këtij orientimi strategjik.
Projekti “Money Matters” – Investim në literacinë financiare dhe edukimin modern universitar
Projekti “Money Matters”, i financuar nga MASHT – HEI’25 dhe Austrian Development Cooperation, u realizua me sukses nën koordinimin e Dr. Vlora Berisha Dranqolli (UHZ) dhe Albulena Shala (Universiteti i Prishtinës). Projekti kishte në fokus forcimin e literacisë financiare të të rinjve dhe modernizimin e qasjes universitare ndaj financave personale.
Në kuadër të tij u analizuan 23 syllabuse të programeve të ekonomisë për të vlerësuar mënyrën se si trajtohen financat personale në mësimdhënie, ndërsa 60 studentë nga UHZ dhe UP u trajnuan dhe u testuan përmes metodologjisë pre-test dhe post-test, duke ofruar të dhëna të qarta mbi ndikimin e trajnimeve.
Një kontribut i veçantë erdhi nga kompania IMB, e cila organizoi workshop mbi financat personale digjitale dhe ofroi qasje në platformën Alpha Cloud, duke ndërlidhur edukimin akademik me praktikat bashkëkohore digjitale. Po ashtu, u zhvillua dhe u aplikua një pyetësor i përshtatur nga OECD, i cili u realizua me 223 studentë të moshës 18–29 vjeç, duke krijuar bazë empirike për punim shkencor dhe për hartimin e Udhëzuesit praktik për financat personale.
Ky projekt ka dhënë një kontribut të drejtpërdrejtë dhe të matshëm në rritjen e literacisë financiare, përmirësimin e përmbajtjeve mësimore dhe ndërlidhjen e universitetit me zhvillimet digjitale në fushën e financave personale.
“Is it Wise to Invest in the Tourism Sector?” – Kërkimi shkencor në shërbim të zhvillimit lokal
Within the framework of the project “Is it Wise to Invest in the Tourism Sector?”, i financuar nga Universiteti “Haxhi Zeka”, është publikuar një libër shkencor që trajton faktorët kryesorë që ndikojnë në zhvillimin e turizmit në Komunën e Pejës, si dhe analizon kostot dhe përfitimet e investimeve në këtë sektor strategjik.
Si produkt konkret dhe me vlerë praktike, projekti ka rezultuar edhe me zhvillimin e një kalkulatori për vlerësimin e investimeve në turizëm, i cili do t’i dhurohet Institutit Shkencor të UHZ-së AND Drejtorisë së Turizmit në Komunën e Pejës, me synim mbështetjen e vendimmarrjes së bazuar në të dhëna dhe promovimin e investimeve të qëndrueshme.
Koordinatorë të projektit janë Dr. Vlora Berisha Dranqolli (Fakulteti i Biznesit) dhe Behrije Ramaj Desku (Fakulteti MTH), ndërsa në projekt kanë kontribuar edhe Theranda Beqiri, profesoreshë në Fakultetin e Biznesit, dhe Agron Halitaj, staf administrativ i Fakultetit të Biznesit. Projekti është pasuruar më tej nga ekspertiza ndërkombëtare e Prof. Blake Rayfield AND Prof. Ruby Lee, si dhe nga përfshirja aktive e katër studentëve, duke e bërë atë një model të mirë të ndërthurjes së mësimdhënies, kërkimit dhe praktikës.
Ky projekt përfaqëson një kontribut të rëndësishëm shkencor dhe praktik për zhvillimin e turizmit lokal, duke ndërlidhur kërkimin akademik me nevojat reale të institucioneve publike dhe investitorëve.
Vlerë institucionale dhe vizion për të ardhmen
Universiteti “Haxhi Zeka” shpreh vlerësim dhe mirënjohje të thellë për autorët, koordinatorët, stafin, ekspertët dhe studentët e përfshirë në këto projekte, të cilët me profesionalizëm dhe përkushtim kanë dëshmuar rolin aktiv të universitetit në prodhimin e dijes me ndikim real. Projekte të tilla konfirmojnë vizionin e UHZ-së për të qenë një universitet bashkëkohor, i orientuar drejt rezultateve konkrete, bashkëpunimit funksional dhe zhvillimit të qëndrueshëm.
