Me datë 26 Prill 2019 në Gjykatoren e Fakultetit Juridik, në kuadër të zbatimit të projektit të titulluar: “Nxitja e kërkesës për drejtësi në Kosovë përmes angazhimit të shoqërisë civile”, u mbajt ligjëratë nga Profesori Islam Pepaj.
Ky projekt është duke u realizuar nga Grupi për Studime Juridike dhe Politike (GLPS) dhe financohet nga Departamenti i Shtetit Amerikan, përmes Byrosë së Narkotikëve Ndërkombëtar dhe Çështjeve të Zbatimit të Ligjit (INL) (origjinali: Bureau of International Narcotics and Law Enforcement Affairs – INL).
Qëllimi kryesor i këtij projekti është që të rris rolin e shoqërisë civile në Kosovë dhe të kontribuoj për qasje më të mirë në drejtësi përmes përfshirjes qytetare në mbikëqyrjen e sistemit të drejtësisë.
Në vazhdimësi do të mbahen edhe një numër i caktuar ligjeratash me studentë të Fakultetit Juridik.
