{"id":60668,"date":"2026-04-03T15:05:55","date_gmt":"2026-04-03T13:05:55","guid":{"rendered":"https:\/\/unhz.eu\/?p=60668"},"modified":"2026-04-03T15:05:57","modified_gmt":"2026-04-03T13:05:57","slug":"konferenca-shkencore-ulqin-uhz-inovacion-zhvillim","status":"publish","type":"post","link":"https:\/\/unhz.eu\/en\/blog\/konferenca-shkencore-ulqin-uhz-inovacion-zhvillim\/","title":{"rendered":"Konferenca e XVIII Shkencore n\u00eb Ulqin: Platform\u00eb Rajonale e Dijes p\u00ebr Zhvillim t\u00eb Q\u00ebndruesh\u00ebm dhe Inovacion"},"content":{"rendered":"

N\u00eb Ulqin, n\u00ebn organizimin e Instituti p\u00ebr K\u00ebrkime Shkencore dhe Zhvillim Ulqin dhe n\u00eb bashk\u00eborganizim t\u00eb vazhduesh\u00ebm me Universitetin \u201cHaxhi Zeka\u201d, u mbajt Konferenca e XVIII Nd\u00ebrkomb\u00ebtare Shkencore me tem\u00eb: \u201cZhvillimi i platformave inteligjente t\u00eb planifikimit urban-rural, t\u00eb bazuar n\u00eb inteligjenc\u00ebn artificiale, p\u00ebr uljen dhe menaxhimin e rrezikut nga p\u00ebrmbytjet n\u00eb zonat turistike dhe bujq\u00ebsore\u201d<\/em>.<\/p>\n\n\n\n

Kjo konferenc\u00eb, e cila tashm\u00eb p\u00ebr afro dy dekada p\u00ebrfaq\u00ebson nj\u00eb tradit\u00eb t\u00eb konsoliduar akademike, ka evoluar n\u00eb nj\u00eb platform\u00eb t\u00eb r\u00ebnd\u00ebsishme rajonale p\u00ebr shk\u00ebmbimin e ideve, prezantimin e k\u00ebrkimeve shkencore dhe nd\u00ebrtimin e bashk\u00ebpunimeve nd\u00ebrinstitucionale n\u00eb fusha t\u00eb ndryshme si ekonomia, turizmi, e drejta, edukimi dhe zhvillimi territorial. N\u00eb k\u00ebt\u00eb edicion mor\u00ebn pjes\u00eb p\u00ebrfaq\u00ebsues t\u00eb institucioneve t\u00eb arsimit t\u00eb lart\u00eb, universiteteve, instituteve k\u00ebrkimore, si dhe p\u00ebrfaq\u00ebsues t\u00eb institucioneve publike dhe shoq\u00ebris\u00eb civile nga Mali i Zi, Kosova, Shqip\u00ebria, Maqedonia e Veriut, Serbia, Bosnja dhe Hercegovina, duke e d\u00ebshmuar karakterin nd\u00ebrkomb\u00ebtar dhe nd\u00ebrdisiplinor t\u00eb k\u00ebsaj konference.<\/p>\n\n\n\n

N\u00eb kuad\u00ebr t\u00eb k\u00ebtij aktiviteti shkencor u p\u00ebrzgjodh\u00ebn dhe u trajtuan mbi tet\u00ebdhjet\u00eb punime k\u00ebrkimore me profile t\u00eb ndryshme tematike, ku pjesa m\u00eb e madhe e tyre u prezantua drejtp\u00ebrdrejt nga autor\u00ebt, duke reflektuar nivel t\u00eb lart\u00eb profesional dhe nj\u00eb qasje bashk\u00ebkohore ndaj sfidave zhvillimore.<\/p>\n\n\n\n

Universiteti \u201cHaxhi Zeka\u201d u p\u00ebrfaq\u00ebsua nga nj\u00eb delegacion i p\u00ebrb\u00ebr\u00eb nga Rektori Prof. Dr. Armand Krasniqi, Dr. sc. Prof. asis. Bashkim Nurboja, Dr. sc. Prof. asis. Driton Sylqa, Dr. sc. Prof. asoc. Anita Cuciovic, Prof. Dr. Vehbi Ramaj dhe Dr. sc. Abedin Selimaj, t\u00eb cil\u00ebt kontribuuan aktivisht n\u00eb k\u00ebt\u00eb shkencore dhe diskutimet akademike.<\/p>\n\n\n\n

N\u00eb fjal\u00ebn e tij hyr\u00ebse, Rektori Armand Krasniqi theksoi se kjo konferenc\u00eb p\u00ebrfaq\u00ebson nj\u00eb platform\u00eb t\u00eb konsoliduar t\u00eb k\u00ebrkimit shkencor, e cila fal\u00eb angazhimit dhe vizionit t\u00eb Elez Osmani, ka arritur t\u00eb tejkaloj\u00eb dimensionin rajonal dhe t\u00eb shnd\u00ebrrohet n\u00eb nj\u00eb hap\u00ebsir\u00eb t\u00eb r\u00ebnd\u00ebsishme p\u00ebr debat, dialog akademik dhe zhvillim t\u00eb kultur\u00ebs shkencore. Ai n\u00ebnvizoi se kontinuiteti i k\u00ebsaj konference p\u00ebr tet\u00ebmb\u00ebdhjet\u00eb vite radhazi ka d\u00ebshmuar se temat e trajtuara dhe propozimet e dala nga kjo platform\u00eb kan\u00eb dh\u00ebn\u00eb kontribut konkret n\u00eb gjenerimin e ideve dhe politikave p\u00ebr zhvillim t\u00eb q\u00ebndruesh\u00ebm rajonal, me orientim drejt integrimit evropian.<\/p>\n\n\n\n