Zyra e Karrier\u00ebs e Universitetit \u201cHaxhi Zeka\u201d, n\u00eb kuad\u00ebr t\u00eb aktiviteteve t\u00eb saj t\u00eb vazhdueshme dhe me fokus t\u00eb ve\u00e7ant\u00eb te alumni i t\u00eb gjitha nj\u00ebsive akademike, organizoi nj\u00eb takim ceremonial frym\u00ebzues, i cili d\u00ebshmoi edhe nj\u00eb her\u00eb se lidhja mes universitetit dhe ish-student\u00ebve t\u00eb tij nuk \u00ebsht\u00eb vet\u00ebm kujtim, por nj\u00eb partneritet i gjall\u00eb dhe i q\u00ebndruesh\u00ebm n\u00eb koh\u00eb. Ky event mblodhi nj\u00eb num\u00ebr t\u00eb konsideruesh\u00ebm ish-student\u00ebsh, t\u00eb cil\u00ebt sot mbajn\u00eb pozita t\u00eb r\u00ebnd\u00ebsishme n\u00eb institucione shtet\u00ebrore dhe private anemban\u00eb vendit, duke reflektuar drejtp\u00ebrdrejt ndikimin e Universitetit \u201cHaxhi Zeka\u201d n\u00eb formimin profesional dhe shoq\u00ebror t\u00eb brezave.<\/p>\n\n\n\n
Takimi u hap nga z. Abedin Selimaj, Drejtor i Zyr\u00ebs s\u00eb Karrier\u00ebs n\u00eb UHZ, i cili p\u00ebrsh\u00ebndeti ngroht\u00ebsisht t\u00eb pranishmit dhe theksoi rolin e paz\u00ebvend\u00ebsuesh\u00ebm q\u00eb alumni ka n\u00eb zhvillimin dhe konsolidimin institucional t\u00eb universitetit. N\u00eb fjal\u00ebn e tij, Drejtori Selimaj prezantoi pun\u00ebn e Zyr\u00ebs s\u00eb Karrier\u00ebs dhe aktivitetet e realizuara gjat\u00eb k\u00ebsaj periudhe, duke v\u00ebn\u00eb theks t\u00eb ve\u00e7ant\u00eb n\u00eb faktin se komponenta e alumnit \u00ebsht\u00eb jetike p\u00ebr UHZ-n\u00eb, jo vet\u00ebm si ur\u00eb komunikimi me tregun e pun\u00ebs, por edhe si burim p\u00ebrvoje, k\u00ebshillimi dhe bashk\u00ebpunimi afatgjat\u00eb.<\/p>\n\n\n\n
N\u00eb k\u00ebt\u00eb takim ceremonial ishte i pranish\u00ebm edhe Prof. Dr. Armand Krasniqi, Rektor i Universitetit \u201cHaxhi Zeka\u201d, i cili theksoi se takimet me ish-student\u00ebt jo vet\u00ebm q\u00eb ngjallin emocione dhe rikthejn\u00eb kujtime t\u00eb \u00e7muara, por nj\u00ebkoh\u00ebsisht sh\u00ebrbejn\u00eb si baz\u00eb e fuqishme motivimi p\u00ebr zhvillimin e m\u00ebtejm\u00eb institucional. Rektori Krasniqi n\u00ebnvizoi n\u00eb m\u00ebnyr\u00eb t\u00eb posa\u00e7me se alumni dhe UHZ jan\u00eb fytyra dhe shpirti i universitetit, t\u00eb lidhur p\u00ebrjet\u00ebsisht, sepse rrug\u00ebtimi i p\u00ebrbashk\u00ebt nuk p\u00ebrfundon me marrjen e diplom\u00ebs. Ai theksoi se menaxhmenti i universitetit dhe i fakulteteve \u00ebsht\u00eb i angazhuar vazhdimisht n\u00eb p\u00ebrmir\u00ebsimin e veprimtaris\u00eb akademike, me synimin q\u00eb diplomat e l\u00ebshuara nga ky institucion, edhe ato t\u00eb fituara vite m\u00eb par\u00eb, t\u00eb fitojn\u00eb \u00e7do dit\u00eb m\u00eb shum\u00eb pesh\u00eb, integritet dhe vler\u00eb n\u00eb jet\u00ebn profesionale dhe shoq\u00ebrore.<\/p>\n\n\n\n