U nënshkrua marrëveshje bashkëpunimi në mes të Universitetit "Haxhi Zeka" në Pejë dhe Universitetit të Gjilanit "Kadri Zeka"

Uhz-ugjilanit2Uhz-ugjilanit1Universiteti "Haxhi Zeka" në Pejë dhe Universiteti "Kadri Zeka" në Gjilan nënshkruan memorandum bashkëpunimi. Qëllimi i kësaj marrëveshje është zhvillimi i bashkëpunimit akademik si dhe zhvillimi i aktiviteteve kërkimore, shkencore dhe kulturore ndërmjet dy Universiteteve.
Të dy universitetet sipas marrëveshjes mund të zhvillojnë aktivitete të përbashkëta në fushën akademike si: shkëmbim stafi akademik dhe administrativ, shkëmbim studentësh të cikleve të ndryshme studimi për periudha semestrale studimi ose për periudha të praktikave, aktivitete dhe publikime të përbashkëta në kërkim shkencor, pjesëmarrje në seminare, konferenca, evenimente dhe takime akademike, shkëmbim të materialeve akademike si dhe informacione të tjera të nevojshme, programe të veçanta akademike afatshkurtra.

Filloi viti i ri akademik dhe u përurua biblioteka e re në UHZ

Në këtë vit akademik studentët e UHZ-së, do të kenë mundësi edhe më të mira studimi, aty të gjithë studentët do të kenë mundësi të gjejnë literaturë të mjaftueshme në bibliotekën e përuruar dje nga Ministri i Arsimit z. R. Buja, kryetari i komunës z.G. Muhaxheri, Menaxhmeti, pedagogët, stafi dhe studentët e UHZ-së. Ministri i Arsimit z. Buja dhe Kryetarii Komunës së Pejës z. Muhaxheri, uruan Menaxhmentin për punën, fillimin e vitit të ri akademik dhe për bibliotekën e re, ata garantuan që do të mbështesin në vazhdimësi këtë institucion.

Rektori falenderoi të gjithë për kontributin e dhënë dhe tha se biblioteka do të shërbejë për gjenerata të tëra si themel i zhvillimit dhe thellimit të dijes në këtë institucion, ai shprehi gjithashtu mirënjohje për Ministrinë e Arsimit dhe Komunën e Pejës për mbështetjen e dhënë në themelimin, ngritjen dhe zhvillimin e këtij institucioni.

biblioteka-e-re

Vizita-ministri2

 Perurimi-bibliotek


Reagimi i Universitetit "Haxhi Zeka" lidhur shkrimin e botuar sot në "Koha Ditore" me titull "Universiteti “Haxhi Zeka” nis vitin akademik me 30 profesorë të dyshimtë"

08.10.2014

Universiteti "Haxhi Zeka" e konsideron si të pasaktë,  lajmin e publikuar  sot  në " Koha Ditore" me titull "Universiteti “Haxhi Zeka” nis vitin akademik me 30 profesorë të dyshimtë.
 
Universiteti "Haxhi Zeka" e konsideron këtë shkrim si të pasaktë për kohën kur shkruhet dhe është i bindur se gazetarja ka rënë në lajthitje të një raporti, i cili nuk ka të bëjë aspak me gjendjen e tanishme dhe nuk është aspak e informuar, veç e dezinformuar, me gjendjen  aktuale në këtë institucion.

Universiteti sqaron opinionin se Raporti në të cilin thirret gazetarja, i përket së kaluarës dhe nuk ka të bëjë aspak me realitetin dhe gjendjen e tanishme në këtë institucion dhe kërkon që në raste të tilla të kontaktohet Universiteti dhe të verifikoj të dhënat e jo të veprohet si në këtë rast,  sepse nuk është hera e parë që njollolloset padrejtësisht me shkrime të tilla ky institucion, veprim i cili dëmton  rëndë punën dhe imazhin e këtij institucioni.

Universiteti githashtu sqaron se, ky institucion  vlerëson lartë punën e çdo mediumi dhe gazetari që informon drejtë dhe saktë dhe bënë me dije se do të reagoj dhe ndjekë rrugët ligjore për çdo artikull që është i padrejtë dhe i pasaktë.


 

U prezantua programi për bursa nga USAID-i

02.10.2014

Përfaqësues nga USAID-i sot prezantuan para studentëve të Universitetit ”Haxhi Zeka” në Pejë, Programin e Lidership-it Transformues – Bursat dhe Partneritetet (TLP-SP) i cili implementohet nga organizata World Learning dhe financohet në partneritet me USAID-in dhe Ministrinë e Arsimit, Shkencës dhe Teknologjisë.

Në këtë prezantim ishin të pranishëm studentë të dalluar të UHZ-së, të cilët po ashtu shprehën interesimin për të aplikuar për këto programe studimi me bursa të plota në Shtetet e Bashkuara të Amerikës.

Rektori, Prof. Asoc. Dr. Naser Mrasori falënderoi përfaqësueset e USAID-it, për këtë prezantim si dhe për bashkëpunimin që kanë ofruar në vazhdimësi dhe po ofrojnë SHBA-të përmes institucioneve të tyre në Kosovë.


 

Bashkëpunime të reja ndërinstitucionale me Italinë

02.10.2014

Rektori së bashku me prorektorët priti sot në takim presidentin e asociacionit të Trentinos për Ballkanin, Mauricio Camini me bashkëpunëtorët e asociacionit nga Kosova, si dhe përfaqësuesin e Komunës së Pejës.

Në këtë takim u diskutua për organizmin e seminareve të përbashkëta, bashkëpunimi në mes të Universitetit “Haxhi Zeka” në Pejë dhe Universitetit të Trentinos në Itali, si dhe krijimi i programeve të studimit për master të përbashkët në mes të dy universiteteve. Po ashtu u diskutua edhe për vizitën e presidentit të regjionit të Trentions, në të dy institucionet, qeverinë lokale dhe universitetin tonë.


 

Universiteti në rrjete sociale

Informohu për të rejat e fundit të Universitetit "Haxhi Zeka" përmes rrjeteve sociale

Kontakti

Universiteti Haxhi Zeka
Rektorati
Rr.“UÇK-së”
30000 Pejë Republika e Kosovës

  • Tel: + 381 (0) 39 423 270